Që gjatë dimrit Borussia Dortmund është interesuar për një transferim të Yerry Mina. Kolumbiani në fund vendosi për të shkuar te Barcelona. Por tashmë Borussia mund të provojë përsëri për mbrojtësin.
Siç raporton spanjollja Mundo Deportivo, Dortmund i ka kërkuar klubit katalanas të blejë Mina.
Shkak i kërkesës së Dortmund janë paraqitjet e pakta që bëri ai gjatë fazës së dytë me Barcelona-n. Ndërkohë, në Bundesliga ai do të kishte mundësinë të luante më shumë minuta.
Minta, i cili më parë luante te brazilianët e Palmeiras, zgjodhi La Liga-n në vend të Dortmund, por situata mund të jetë ndryshe këtë herë.
Gjithsesi do të jetë e vështirë që Barça të heqë dorë nga ai vetëm gjashtë muaj pas transferimit. Kontrata e tij përfundon më 2023.
