Ishte vetëm çështje orësh për të dalë emrat e parë që shihen si pasues të Ernesto Valverdes te Barcelona, në rast se ky i fundit largohet nga stoli blaugrana.
Emri i parë që lakohet për të marrë drejtimin e gjigantëve spanjoll është ai i holandezit të Ajaxit, Erik Ten Hag, i cili po bën mrekullinë me harkëtarët në këtë sezon.
Ten Hag ka ide të ngjashme me Guardiolën, pasi kur ka qenë pjesë e Bayern Munchen 2 ndiqte gjithmonë nga afër seancat stërvitore të teknikut katalanas me skuadrën e parë dhe ka marrë shumë nga mënyra e lojës që aplikon Guardiola.
Duke patur parasysh edhe faktin që futbolli që luan Barça i ngjason shumë stilit holandez, mundësitë qe Ten Hag të ulet në stolin e Barcelonës janë të mëdha.
