Atletja shqiptare Luiza Gega nuk ka arritur të kualifikohet në finalen e 1500 metrave në Botërorin e Atletikës, që po zhvillohet në Angli për Salla të Mbyllura. 29-vjeçaria nuk arriti të përsëris rezultatin, që mori rreth tre javë më parë në Stamboll të Turqisë, ku rrëmbeu medaljen e artë në Mitingun Ndërkombëtar të Sallave të Mbyllura.
Në Botëror, Gega u rendit në vendin e shtatë në baterinë e saj, duke mos arritur të kalojë më tej. Ajo dha kohë 4 minuta e 10 sekonda, në garën e 1500 metrave, e pamjaftueshme për të arritur në finale.
