Fatih Jusufi ishte një nga lojtarët që u përfol në merkaton e verës së shkuar për të firmosur me Partizanin. Pas afrimit të Jasir Asanit, edhe Jusufi shihej si një talent i së ardhmes, por në fakt kjo nuk ndodhi. Para dy ditësh, 19-vjeçari ka udhëtuar drejt Gjirokastrës dhe tashmë ka nisur stërvitjen me Luftëtarin. Por, ndryshe nga sa është thënë, ai s’ka firmosur ende me bluzinjtë.
Do të jetë trajneri Kostiç që do të vendosë nëse Jusufi do të qëndrojë ose në Gjirokastër. Stafi teknik i bluzinjve ka caktuar që në orën 16:30 të ketë një ndeshje testuese për lojtarët që janë afruar në stërvitje, por gjithashtu do të vlerësohen edhe cilësitë e Fatih Jusufit.
