Huan Sebastian Veron duket se ka një mendim tjetër nga të gjithë argjentinasit. Për të gjithë në argjentinë, Mesi është më i miri, kur vjen puna te krahasimi me Ronaldon. Veron ka një këndvështrim interesant të situatës. “ Mesi nuk është Maradona, ua them sepse kam luajtër përkrah të dyve. Diego ishte një person që të tërhiqtem një pikë referimi, ndërsa Mesi jo, është i turpshëm.
Ai mund të jetë një lider në një grup të ngushtë por jo në kombëtare.”, shprehet Veron. Këtu vjen edhe krahasimi me Ronaldon. “ Kristiano është një lojtar që tërheq, është i pranishëm në çdo kundërsulm dhe vrapon si i çmendur. Është i aftë me kokë, driblon dhe gjuan. Mund të them se është kudo. Pas një reflektimi të gjatë do të zgjidhja Ronaldon sepse di të jetë vendimtar.
Ai edhe nëse nuk ka skuadrën që e mbështet, di të jetë vendimtar. Mesi dueht të ketë skuadrën që e mbështet, por për mua ngelet i madh” përfundon Veron, që ka hapur një polemikë të madhe me këtë deklaratë.