Për paraqitjen e tij në ndeshjen hapëse të Egjiptit ndaj Uruguait, portieri Mohamed El-Shenawy, i cili luan te Al Ahly Kairo, është nderuar me çmimin Lojtari i Ndeshjes.
Pas 1-0 ndaj Uruguait, El Shenawyi është zgjedhur si Lojtari i Ndeshjes me meritë, pas pritjeve të bukura që bëri ndaj Suarez me shokë.
Për këtë çmim, 29-vjeçari është gëzuar jashtë mase.
Gjithsesi, ai nuk mund ta pranonte çmimin që ndahet në stadium pas ndeshjes, për shkak se ai sponsorizohej nga kmapnia e njohur e birrave “Budwiser”.
Si një mysliman i devotshëm, ai është kundër alkoolit, dhe prandaj ka refuzuar çmimin.
