Para Kupës Botërore, Mourinho tha me shaka se ai donte që Serbia të eliminohej së shpejti, në mënyrë që Nemanja Matic të pushonte dhe të shfaqej sa më i freskët në periudhën parasezonale të Manchester United. Dëshirat e tij janë përmbushur. Kombëtarja e drejtuar nga Krstajic nuk ka qenë në gjendje të kapërcejë fazën e grupit.
“Kam dëgjuar kur tha se donte për mua që të kthehesha në shtëpi sa më shpejt. Unë u përpoqa për zemërimin e tij, u përpoqa për t’u kualifikuar më tej në fazën e grupeve, por për fat të keq ne jemi jashtë Botërorit, – ka thënë mesfushori-mbrojtës, pas ndeshjes së fundit të raundit të parë, kundër Brazilit.
– Por, është normale që Mourinho dëshiron që lojtarët e tij të jenë të freskët për trajnimin parasezonal. Siç të gjithë e dinë, Premier League është shumë e vështirë, të presin shumë ndeshje. Pastaj vjen Liga e Kampionëve, dy kupa… Unë e kuptoj, por u përpoqa për të bërë më të mirën e mundshme për Serbinë”.
Matic theksoi se gjatë kohës në Moskë nuk ka pasur mundësi për ta parë Mourinhon, por pranoi se ka biseduar me Fred, i cili do të luajë sezonin e ardhshëm te Manchester United: “Unë jam takuar me të pas ndeshjes. Ai është një lojtar i madh, mendoj se do të sjellë cilësi në ekipin tonë. Me të do të jemi shumë mirë në fushë”.