Lionel Messi ka shprehur shpresën se Antoine Griezmann do t’i bashkohet atij te Barcelona, sezonin e ardhshëm, duke deklaruar se ylli i Atletico Madrid është një “lojtar i madh”. Griezmann ka qenë prej kohësh i lidhur me një transferim në “Camp Nou”, çka ka provokuar një reagim të ashpër nga Atletico Madrid, në disa raste.
Francezi ende duhet të japë komentin mbi të ardhmen e tij, duke preferuar të qëndrojnë në heshtje për këtë çështje, ndërsa ai po përgatitet për Kupën e Botës me “Les Bleus”. Por sulmuesi ka pranuar të paktën “vulën” e Messit, pasi argjentinasi deklaroi se dëshiron të shohë sa më shumë talentë në skuadrën Blaugrana.
“Unë e kam thënë gjithmonë këtë. Është e lehtë të bashkohesh me lojtarë të mëdhenj dhe Griezmann është një nga më të mirët. Ai po kalon një kohë të jashtëzakonshme në karrierën e tij, – tha argjentinasi për “Mundo Deportivo”. – Trajneri pastaj do të shohë se si iu përshtatet të gjithëve, por ai është padyshim një lojtar i mirë dhe ne do të luanim së bashku”.
Nëse Griezmann arrin në “Camp Nou”, ai do të shtojë thellësi të mëtejshme në një vijë të mbushur përpara, që tashmë përmban lojtarë si Messi, Luis Suarez, Ousmane Dembele dhe Philippe Coutinho. Por, sa i përket kapitenit të Argjentinës, kur është fjala për pushtimin sulmues, është një rast më i madh, meritor në “Camp Nou”:
“Nëse vjen apo jo Griezmann, kjo është në dorën e tij dhe kërkesave të trajnerit. Natyrisht, sa më shumë cilësi të kemi, aq më mirë. Duam të jemi ekipi më i mirë në botë dhe që ta arrijmë këtë, duhet të kemi më të mirët. Pastaj është problemi i trajnerit”.
