Pavarësisht problemeve me UEFA-n dhe rrezikut për të mos luajtur në Europa League, tërheqja ndaj Milan mbetet e fortë. Pak orë pas rinovimit të Alessio Romagnoli-t, nga Spanja vjen një lajm i bujshëm.
Sipas “Diario Gol”, Dani Ceballos i ka zbuluar shokëve të ekipit të Real se do të transferohet të Milan. Lojtari i datëlindjes 1996, i ndjekur në të kaluarën nga kuqezinjtë, ka vendosur të largohet nga madrilenët pas aktivizimit të pakët në sezonin e kaluar, i mbyllur me 22 ndeshje të luajtura dhe dy gola.
Kosto e kartonit të madrilenit është rreth 12 milionë euro, një shifër e përballueshme për arkat e Milan.
