Paralajmërohet një betejë e fortë ligjore mes trajnerit serb Sinisa Mihajlovic dhe klubit portugez të Sporting Lisbona. Ish-trajneri i Milan, i shkarkuar nga drejtuesit e rinj portugezë, pas vetëm 8 ditë nga nënshkrimi i kontratës, për rrjedhojë të dorëheqjes s ëish-presidentit Bruno de Carvalho, tashmë pretendon që të respektohet plotësisht marrëveshja e nënshkruar vetëm pak javë më parë.
Sipas asaj që raporton “A Bola”, Mihajlovic kërkon një dëmshpërblim prej 10 milionë euro. Ndërsa drejtuesit e klubit të Sporting pretendojnë se kontrata mund të prishej pa asnjë pasojë financiare, për shkak se parashikonte një periudhë prove prej 15 ditë nga nënshkrimi, i realizuar më datë 18 qershor.
