Ditën e nesërme nis edhe faza e grupeve të kompeticionit më të madh europian, Champions League. UEFA, ka bërë publike edhe përfitimet e majme për klubet që do të marrin pjesë në këtë sezon.
Kështu, çdo ekip që është tashmë pjesë e Champions-it, do të përfitojë 15.25 milionë euro, ndërkohë që për çdo fitore në fazën e grupeve, do të shpërblehet me 2.7 milionë euro, ndërkohë që barazimi me 900 mijë euro. Klubet që do të marrin të gjitha fitore do të arrijnë shifrën e 16.2 milionë eurove vetëm në këtë fazë.
Ndërsa, për fazën pas grupeve, çdo klub do të marrë:
9.5 milionë euro për kualifikimin në 1/8 e finales
10.5 milionë euro për kualifikimin në çerekfinale
12 milionë euro për kualifikimin në gjysmëfinale
15 milionë euro për kualifikimin në finale
4 milionë euro shtesë për triumfin në finale
