Skuadra e Inter-it duket se nuk ka mundur të përfitojë nga lojtarët e huazuar. Ashtu sikurse ndodhi me portugezin Joao Cancelo, e njëjta situatë edhe me mesfushorin Rafinha, i cili siç raportojnë mediat italiane do të rikthehet nesër në mesditë në Barcelonë.
Zikaltërit nuk dëshirojnë të paguajnë shifrën prej 38 milion eurosh dhe këtë gjë ia kanë komunikuar klubit katalanas.
Kujtojmë që Inter në sezonin e ardhshëm do të luajë në fazën e grupeve të Champions League, pas një mungese prej disa sezonesh.
