Jorge Lorenzo e konfirmon se ai është në një super-formë duke fituar pole position në Çmimin e Madh të Katalonjës. Piloti spanjoll i Ducati-t i mbylli provat zyrtare me kohën 1’38”680, duke lënë pas rivalin e tij të Honda-s, Marc Marquez (+ 0”066) dhe Andrea Dovizioso (+ 0”177).
Në radhën e dytë në garën e nesërme do të nisen Vinales, Iannone dhe Petrucci, ndërkohë që piloti italian Valentino Rossi me Yamaha-n e tij do ta fillojë garën nga radha e tretë, ndërsa kohën më të mirë e mbylli me + 0”586, kjo edhe për shkak të gabimeve në Kualifikueset 2.
Që prej vitit 2008, Ducati nuk arrinte që të fitonte pole postition në Katalonjë.
Dhjetëshja më e mirë u kompletua nga Zarco, i zoti i shtëpisë Rabat dhe Crutchlow, që pavarësisht se bëri një kohë të mirë, pësoi edhe një incident në xhiron kryesore.
#MotoGP Qualifying 🏁
After his first @DucatiMotor win, @lorenzo99 now takes his first pole position in red!@marcmarquez93 will start second ahead of @AndreaDovizioso!#CatalanGP pic.twitter.com/aeW7TKC7Ei
— MotoGP™🏁 (@MotoGP) June 16, 2018
