Miralem Pjanic, mesfushori boshnjak i Juventusit, është në tregun e futbollit këtë verë. Sipas raporteve mediatike, Barcelona dhe Real Madridi kanë shfaqur interesin për të marrë shërbimet e futbollistit në fjalë. Mirëpo, Juventusi duket të jetë gatshi për ta shitur vetëm me një çmim, që e konsideron të përshtatshëm.
Në këtë kuptim, gazeta sportive italiane, “Tuttosport”, ka njoftuar në orët e fundit se Juventusi tashmë ka vënë një çmim për ish-lojtarin e Romës. Sipas të njëjtit informacion, bardhezinjtë nuk janë të gatshëm të negociojnë me askënd për transferimin e Miralem Pjanic për më pak se 80 milionë euro. Ky është çmimi, që aktualisht ka mesfushori boshnjak.
Pikërisht në Itali tregojnë se shitja e Pjaniç, për të cilin ka qenë e interesuar Barcelona, do të mundësojë në anën tjetër, te Juventusi, që të marrë shërbimet e Milikovic-Savic. Ky i fundit ka karakteristikat teknike dhe fizike që i duhen repartit ofensiv të skuadrës së Massimiliano Allgerit.
Deri më tani, Juventusi ka kërkuar të dërgojë një “foto” të qetësisë për lojtarët, ndërsa Beppe Marotta ka shtuar: “Nuk na mbetet gjë tjetër, veçse për t’i shitur ata që kërkojnë të largohen”. Shumë mirë, ky mund të jetë rasti i Miralem Pjanic.