Gjatë një interviste të dhënë për revistën ‘GQ’, trajneri i përfaqësueses së Italisë, Roberto Mancini, ndër të tjera ka folur edhe për objektivat e tij në krye të pankinës azzurre, sikurse dhe për aq shumë të përfolurin Mario Balotelli, i rikthyer tashmë në kombëtare. “Tani mendoj për kualifikimin në Europian dhe më pas për ta diskutuar atë sa më mirë, unë luaj gjithmonë për të fituar. Por pranoj se ideja e Botërorit, duke parë edhe precedentët, më kalon nëpër mendje”, u shpreh Mancini.
“Ndjej simpati për atë, është e natyrshme, por rikthimi i tij në përfaqësuese ka vetëm motivacion futbollistik. Mario është vetëm 28 vjeç ndaj dhe është ende në kohë për të marrë të gjithë kënaqësinë që dëshiron, sepse kurrikulimit të tij fizik dhe atij teknik, tashmë i ka shtuar edhe eksperiencën. Kështu, është rritur në të gjitha aspektet. Kam nevojë për futbollistë të rinj lider. Mario ka moshën dhe besueshmërinë teknike për të qenë dhe për fat nuk është i vetmi”, deklaroi Mancini.
