Leo Messi është zhbllokuar kundër Nigerisë, në ndeshjen më të rëndësishme të karrierës së tij, duke realizuar një gol që duhet studiohet nga të gjithë atë që kanë zgjedhur futbollin si profesionin e tyre.
Madje, duhet të studiohet edhe nga ekspertët e veprave të artit, sepse ka qenë një kryevepër në lëvizje. Pa i hequr asgjë pasimit perfekt të Banega-s, lëvizjet e “Pleshtit” kanë qenë një magji e vërtetë.
Leo ka kontrolluar topin me kofshë, e ka çuar përpara me këmbën e majtë (pa e lënë të prekë në tokë) dhe më pas ka mposhtur portierin me një goditje perfekte me këmbën e… “keqe”. Një kryevepër dhe një gol historik, sepse ka qenë goli numër 100 i realizuar në Botëror.
