Sulmuesi Haris Dilaver nuk do të jetë më pjesë e Vllaznisë. Edhe pse zyrtarisht nga ana e klubit nuk ka ende një konfirmim, mësohet se me boshnjakun nuk është gjetur akordi për rinovimin e kontratës.
Dilaver përfundoi në një zgjedhje dytësore në ndeshjet e Europës, teksa vetëm atë në Bosnje ndaj Shirokit e nisi titullar. Pas ardhjes së qendërsulmuesit Aralica, tashmë shanset për rinovim të boshnjakut me klubin shkodran janë thuajse zero.
Mesfushori Millosh Kaleziç është i larguari i radhës pas eliminimit të Vllaznisë nga Liga e Konferencës. Ashtu si Eni Imamit dhe Haris Dilaveri, që u përfundoi kontrata me klubin shkodran dhe nuk kanë gjetur marrëveshje për rinovim, e njëjta gjë pritet të ndodhë edhe me malazezin.
Nga sot ai është futbollist i lirë, por gazeta mëson se klubi nuk ia ka rinovuar marrëveshjen.
