Paraqitja aspak pozitive me Kombëtaren e Gjermanisë ka bërë që kritikat dhe fjalët jo fort pozitive të jenë të pranishme ndaj mesfushorit 29-vjeçar.
Ai është kritikuar për faktin se pse nuk këndoi himnin në ndeshjen e fundit të Botërorit. Në një intervistë të shkurtër dhënë për revistën “TZ”, ai ka sqaruar se nuk e ka bërë për ndonjë qëllim të veçantë, duke specifikuar se që fëmijë, ndërkohë që shokët këndonin himnin, ai lutej.
“Që kur ishim në shkollë të vegjël, kur këndohej himni, unë lutesha. Tani ndodh e njëjta gjë. Sa herë dalim në fushë dhe këndohen himnet, unë lutem. Nuk besoj se është e drejtë që të kritikohem për këtë gjë”, është shprehur Ozil për revistën e njohur.
