Transferimi tek Barcelona i ka kthyer besimin mesfushorit brazilian Paulinho që në një intervistë për mediat ruse ka theksuar se eksperienca tek Tottenham Hotspur i kishte ulur besimin në vetvete.
“Prej katër vjetësh, shumëçka ka ndryshuar në jetën time dhe karrierën time. Largimi nga Anglia ishte i mirë për mua. E kisha humbur vetëbesimin tim, por e kam rifituar. Kam luajtur shumë mirë, kam ndihmuar klubin tim për të fituar La Liga, jam këtu sepse kam punuar dhe e meritova. Në katër vite kam mësuar shumë.“-pohoi mesfushori 29 vjeçar.
Paulinho, i cili kaloi dy sezone te Tottenham Hotspur në mes 2013 dhe 2015, u transferua te skuadra kineze Guangzhou Evergrande për 10 milion paund përpara se të nënshkruante për gjigantët spanjollë, Barcelonën në një marrëveshje prej 35 milionë funtesh në vitin 2017.
