Në pritje të vendimit të CAS për Skënderbeun që do të ketë ndikim direkt edhe te Kukësi për të mësuar se në cilin kompeticion të Europës do të luajnë, verilindorët kanë bërë përforcimin e parë.
KF Kukësi ka zyrtarizuar sot afrimin e portierit Faton Maloku, shqiptarit me origjinë nga Kosova. Sezonin e fundit 26-vjeçari ka qenë pjesë e Ferronikelit në kampionatin kosovar.
Mendohet se ky përforcim i Kukësit vjen pasi Enea Koliçi me shumë mundësi do të largohet nga verilindorët e drejtuar nga Pakult.
Mirë se vjen Faton Maloku!FK Kukësi sapo ka nënshkruar kontratën me portierin kosovar Faton Maloku. 26-vjeçari ka qenë pjesë e Ferronikelit në kampionatin kosovar dhe vjen si përforcim në prag të kupave të Europës. I urojmë suksese Faton Malokut!
Gepostet von F.K Kukësi Albania am Dienstag, 5. Juni 2018