Trajneri i ri i Derby County, Frank Lampard, po planifikon të marrë në skuadër ish-shokun e ekipit te Chelsea, John Terry, sipas asaj që bën të ditur “Derby Telegraph”.
Lampard ka qenë një nga miqtë më të mirë të Terry, kur luanin bashkë te Chelsea, dhe ai do të ishte përforcimi i duhur nëse një tjetër veteran, Curtis Davies, largohet nga Derby.
33-vjeçari Davis mund të shkojë te Stoke, sepse është një nga futbollistët e preferuar nga trajneri i ri i kësaj skuadre Gary Rowett, i cili ka qenë pikërisht te Derby në sezonin e kaluar.
Nëse Davis do të largohet, atëherë Lampard do të përpiqet të marrë 37-vjeçarin Terry duke i dhënë shiritin e kapitenit. Paga e Davies, 3 milionë paundë në sezon, do të kalonte për Terry, i cili aktualisht është te Aston Villa dhe ka pasur oferta nga Kina dhe SHBA.
