Pep Guardiola ka thyer heshtjen në lidhje me deklaratën e Yaya Toure që pohoi se trajneri i Manchester City është racist dhe ka diçka kundër futbollistëve afrikanë.
Në një intervistë për “France Football”, mes të tjerave Toure tha: “Ndoshta kishte problem ngjyrën time dhe nuk jam i pari që e mendoj këtë gjë. A mendoni se me Iniesta do të sillej në të tillë mënyrë si me mua? Ka qenë i pashpirt gjithmonë me futbollistët nga Afrika. Nëse do të ktheni kokën pas do të kuptoni se ai asnjëherë nuk ka punuar me afrikane. Mendoj se ka probleme me racizmin.”
Përgjigja e Pep Guardiola, ndonëse kaloi një javë nga deklarata e Toure, ishte: “Ai po gënjen dhe e di shumë mirë diçka të tillë. Kemi punuar për dy vjet së bashku dhe kurrë nuk ma ka thënë diçka të tillë edhe pse kemi pasur shumë diskutime sy për sy. Kemi folur për gjithçka, por kurrë nuk më tha se ishte racist. Ai është frikacak që flet tani që u largua.”
