Valentino Rossi me Yamaha ka siguruar sot “pole position” në pistën e Mugello, të vlefshme për garën e Çmimit të Madh të Italisë në Moto GP. Një paraqitje fantastike e pilotit italian, që i karikuar nga fansat e tij dha një kohë fantastike, 1’46”208, rekord për pistën e Mugello, duke korrur “pole” nr.65 në karrierën e tij. Në vijën e parë të nisjes, së bashku me Rossin do të jenë spanjollët Jorge Lorenzo me Ducati dhe Maverick Vinales me Yamaha.
Rossi, që ka triumfuar 9 herë në këtë pistë, do të kërkojë nesër suksesin e parë sezonal, duke përfituar edhe nga paraqitja e dobët e kryesuesit të Botërorit të Moto GP, spanjollit Marc Marquez me Honda, që sot u rendit në vendin e gjashtë. Më mirë se spanjolli bënë edhe dy pilotë të tjerë italianë, Andrea Iannone me Suzuki (i katërti) dhe Danilo Petrucci (i pesti), ndërsa Andrea Dovizioso me Ducatin tjetër u klasifikua në vendin e shtatë.
#MotoGP Qualifying 🏁@ValeYellow46 TAKES POLE! 🙌
The Doctor will start P1 ahead of @lorenzo99 and @maverickmack25 #ItalianGP pic.twitter.com/13ia0DMqzY
— MotoGP™🇨🇿🏁 (@MotoGP) June 2, 2018
