Futbollistët e Barcelona kanë kërkuar nga klubi që të rikthejë Thiago Alcantara, në momentin që kanë mësuar se Bayern Munich mund të lejojë largimin e tij. Trajneri i ri i Bayern Munich, Niko Kovac, ka informuar drejtuesit bavarez se 27-vjeçari nuk bën më pjesë në planet e tij.
Gjithsesi, kampionët e Gjermanisë duan të marrin të paktën 70 milionë euro për futbollistin, për të cilin shpenzuan 20 milionë euro në vitin 2013, sepse ishte në vitin e fundit të kontratës me Barcelonën.
Sipas gazetës “Sport”, futbollistët më të rëndësishëm të Barcelonës kanë kërkuar nga presidenti Josep Martia Bartomeu ta rikthejë mesfushorin në “Camp Nou”.
Thiago, i rritur në akademinë e Barcelonës, do ta pranonte me kënaqësi rikthimin në Katalonjë: “Barcelona është dhe do të jetë gjithmonë shtëpia ime, pavarësisht se një futbollist lëviz shumë gjatë karrierës së tij.”
