Spanja dhe Maroku e mbyllën në një barazim dramatik ndeshjen e fundit të grupit B, barazim që lidhur edhe me barazimin e Iranit me Portugalinë, nxjerr spanjollët në vendin e parë në grup.
Butaib zhbllokoi shifrat në minutën e 14-të, por ishte Isko vetëm 5 minuta më pas që barazoi gjithçka. Spanja nuk u duk shumë agresive pas barazimit, por përkundrazi, ishte Maroku që provonte për të shënuar. En Nesiri shtangu spanjollët në minutën e 81-të, por vetëm në fund, pasi u pa edhe me VAR, ishte Iago Aspas në minutën e 93-të, që barazoi gjithçka.
