Eintracht Frankfurt kërkon përforcime për sulmin dhe objektivi i klubit është në Itali. Bëhet fjalë për Alberto Cerrin, bomberin 22-vjeçar të Juventusit, i cili këtë sezon arriti të realizonte 15 gola dhe 10 asiste në Serinë B, ku ishte në huazim te Perugia.
Bardhezinjtë nuk mund t’i garantojnë një vend në formacion lojtarit, ndaj dhe janë të hapur për bisedime, ndërsa në Bundesligë sulmuesi italian mund të gjej hapësirën e nevojshme.
Akordi mund të arrihet për 8-9 milionë Euro, ndërsa nuk përjashtohet mundësia që Juventus të përfshijë opsionin e riblerjes në rast se Alberto Cerri mund të shkëlqejë në Frankfurt.
