Gjendja te klubi i Partizanit duket se është mjaft e rënduar, situatë e krijuar pëgjatë gjithë kampionatit për shkak të ecurisë negative të të kuqve dhe mos plotësimi të objektivave.
Ndërkohë që të gjitha skuadrat e tjera të Superligës, por jo vetëm kanë nisur punën me merkaton, kjo gjë duket se nuk po ndodh te kryeqytetasit. Asnjë lëvizje, asnjë njoftim për lojtarët se ku do fillojë puna për sezonin e ri, asnjë hyrje-dalje, asnjë rinovim.
Këto dhe shumë çështje të tjera duket se nuk kanë marrë një përgjigje nga drejtuesit e klubit, të cilët kanë lënë të qetë lojtarët të marrin “arratinë” në këto ditë vere, pa i njoftuar këta të fundit se çfarë do bëhet për të ardhmen.
