David De Gea është një nga portierët më të mirë në qarkullim. Spanjolli ka bërë paraqitje të shkëlqyera me klubin e tij Mançester Junajtid dhe me kombëtaren e Spanjës, duke qenë në shumicën e rasteve protagonist, në triumfin e skuadrave.
27-vjeçari ka përfunduar kësaj herë në qendër të mediave, jo për aftësitë e tij sportive, por për preferencat në muzikë. Ai tregon se e tërheqin grupet “rock” dhe “metal” dhe shpeshherë shokët e dhomës e kritikojnë për muzikën që dëgjon.
“Unë vendos gjithmonë muzikën që më pëlqen dhe është e vërtetë që ndonjë ditë mund të më përjashtojnë nga dhomat e zhveshjeve. Mua më kritikojnë gjithmonë për muzikën që vendosu, por unë mundohem që të zgjedh muzikë të mirë. Atyre u pëlqen të dëgjojnë muzikë të ndryshme, por unë gjithmonë vendos nga ajo që më pëlqen mua, Mua më tërheqin grupet e muzikës ‘rock’ apo ‘metal’ si ‘Avenged Sevenfold’ dhe ‘Metallica’. Kur vendos këtë muzikë në dhomat e zhveshjeve, të gjithë ankohen! Pjesa më e madhe e lojtarëve pëlqejnë muzikën ‘hip-hop’”, tregoi De Gea.
