Futboll Sport

Zvicra frikë nga huliganët, me policinë e saj në Rusi

Zvicra bëhet kombëtarja e parë që zbarkon në botërorin rus me policë me vete. Përfaqësuesja helvetike ka krijuar një ekip prej 5 ekspertësh që do të shoqërojnë lojtarët në çdo dalje. Detyra e tyre primare është garantimi i sigurisë sidomos në ndeshjet e ashtuquajtura me rrezik të lartë.

Zëdhënësja e policisë zvicerane Lulzana Musliu i bëri thirrje tifozëve që të ndjehen të sigurt pasi agjentët nuk do ndërhyjnë në raste arrestimesh apo trazirash, por do të jenë aty për çdo përshkallëzim situate.

Grupi i lëvizshëm i policisë zvicerane përfshin dy agjentë të quajtur “Spotters”, ekspertë në çështjet e huliganizmit dhe të aftë që të zbulojnë elementët e rrezikshëm dhe ata që cenojnë sigurinë e ekipit. Ata do jenë operativë që përpara fazës së grupeve, dhe më pas në ndeshjet që pritet të zhvillohen në stadiumin e Rostov në 17 Qershor, si dhe në Kaliningrad dhe Novgorod, ditë më vonë.

Skuadra e policisë helvetike do të shërbejë për të distancuar elementët kriminalë si dhe do të jetë një urë lidhëse mes tifozëve zviceranë dhe agjentëve rusë në rastet e organizimeve masive të tifozëve. Kohëzgjatja e misionit, sigurisht do të varet nga kombëtarja e trajnerit Petkoviç, por duket se policët janë tifozët më të mëdhenj që përfaqësuesja zvicerane të shkojë të paktën deri në çerekfinale.

Related posts

Ronaldo më pranë Italisë, ja kush është “aleati” i Juventusit për transferimin e portugezit

Isa.Autor

Në Itali janë të bindur: Berisha do SHITET, përndryshe do ngroh stolin…

Sadik.Autor

BARCELONA-NAPOLI/ “Pleshti” shënon falë një asisti “MAGJIK”, VAR i prish festën (VIDEO)

Delo.autor

Leave a Comment