Kukësi vijon merkaton intensive në “hyrje”, ndërsa në atë në dalje verilindorët kanë qenë më të përmbajtur. Deri më tani gjithçka po shkonte mirë për nënkampionët e Shqipërisë, megjithatë një çështje e re duket se ka lindur në ekipin e Pakult. Bëhet fjalë për titullarin e skuadrës, Simon Rrumbullaku. Ky i fundit nuk është bashkuar me grupin për të vijuar përgatitjet.
Gjasat janë që divorci mes palëve është në prag dhe tashmë drejtuesit e kuksianëve duhet të nisin punën për të gjetur zëvendësuesin e tij. Ditët e fundit në skenë doli emri i Emiliano Mustës, por ky i fundit rinovoi me Flamurtarin. Në Superiore në kampionatin tonë mbrojtësit e majtë janë me pikatore, ndërsa të gjithë ekipet po punojnë për të “blinduar” lojtarët e tyre.