Ish-drejtuesi i Real Madrid, Pedja Mijatovic, ka thënë se klubi duhet të rinovojë kontratën e Sergio ramos.
Kapiteni i Real-it po zhvillon negociata me klubin për një marrëveshje të re, por drejtuesit nuk duan të rinvojnë për më shumë se një vit me 34-vjeçarin.
“Nuk mund të ndihmojmë skuadrat e tjera me lojtarët tanë”, ka thënë Mijatovic. “Do të më pëlqente që kjo filozofi të kthehej te Real-i, por nuk është kështu”.
“Raul pati një histori të mrekullueshme te Real Madrid, por u larguar në një mënyrë të keqe. Kjo ndodhi edhe me Fernando Hierro dhe Iker Casillas”.
“Tani flitet se edhe Ramos do të largohet. Kontrata e tij duhet të rinovohet me dy ose tre vite, nuk ka rëndësi. Ai duhet ta mbyllë karrierën te Real-i”.
“Ai është një thesar për klubin. Për atë që ka bërë në të kaluarën dhe për atë që mund të bëjë në të ardhmen. Ndoshta jo në fushë, por ai mund të jetë një mësues për lojtarët e rinj”.