Futboll Sport

Teuta nuk humbet kohë/ Marrëveshje me Erjon Vucajn, telefonohet edhe mesfushori i Skënderbeut

Erjon Vucaj është nj objektiv i Teutës në merkato, por me durrsakët nuk ka pasur akoma një marrëveshje. Shkodrani ka simpatizantët e tij dhe sezonin e fundit me Vllazninë në aspektin personal ka bërë mirë. Që kur u largua nga Tirana, për të veshur fillimisht fanellën e Laçit për gjashtë muaj, mesfushori ka pasur një rritje dhe normalisht që kjo do të shoqërohej edhe me interesimin e klubeve të ndryshe. Futbollisti në fjalë ka rënë dakord për të vijuar karrierën me Luftëtarin.

Ende nuk ka firmë mbi kontratë, por pritet që të ndodhë shumë shpejt. Në Gjirokastër u duhet një numër “10”-të, pasi Eduart Rroca është i dëmtuar dhe zor se do të mund të rikuperohet për ndeshjet e Europa League. Në këtë mënyrë është kontaktuar Vucaj, që do të ishte një përforcim i mirë për bluzinjtë. Aty ai do të gjente edhe një tjetër shkodran, Behar Ramadanin, i cili me shumë mundësi do të mbajë edhe shiritin e kapitenit sezonin e ardhshëm te Luftëtari.

BRUNO DITA – Mesfushori i Skënderbeut është objektiv i disa klubeve. Te Kukësi e duan, por ka kontratë edhe për dy vite me korçarët. Situata në Korçë nuk është më e mira pas vendimit të CAS që i la korçarët jashtë kupave të Evropës. Do të ketë lojtarë që do të largohen, por vetëm me “OK” e drejtuesve të klubit, që po punojnë për të shitur disa prej “yjeve” të skuadrës. Së fundmi për Ditën është interesuar edhe Tirana, që madje e ka telefonuar dhe i ka shprehur interesimin. Tashmë mbetet për t’u parë se si do të shkojnë gjërat. Në Korçë nuk është se do e kenë harruar sezonin 2016-2017…

Related posts

E ÇUDITSHME/ Shaland tërheq vëmendjen e të gjithëve në Spanjë, refuzon të flasë nëse nuk përmendet… (VIDEO)

Delo.autor

Veliu bëhet çështje te Flamurtari

Sadik.Autor

BLANC U SHKARKUA NGA LYON/ Gattuso mund të jetë pasuesi i francezit

F.autor

Leave a Comment