Komiteti i Kontrollit, Etikës dhe Disiplinës i UEFA-s ka marrë një varg gjobash dhe dënimesh, që nuk kanë kursyer edhe Pep Guardiolën. Trajneri katalanas i Manchester City është pezulluar me dy ndeshje për polemikat e gjyqtarin dhe dëbimin e tij me të kuqe, në ndeshjen e fundit të të tijve në Champions, sezonin që sapo u mbyll.
Kujtojmë se çerekfinalja e kthimit e Ligës së Kampionëve në stadiumin “Etihad” përfundoi me përjashtimin e Pep Guardiolës nga kryesori spanjoll, Mateu Lahoz. Kjo sfidë përfundoi duke u fituar nga Liverpool (1-2) i Jürgen Klopp, që siguroi kualifikimin në gjysmëfinale, pasi e kishte fituar tashmë edhe ndeshjen e parë në “Anfield”. Dy ndeshjet pezullim Guardiola do t’i përmbushë në sezonin e ri të këtij kompeticioni.