Sampdoria ka konfirmuar zyrtarisht emërimin e Walter Sabatini-t si drejtorin e ri teknik të klubit.
Daniele Prade është larguar nga posti javën e kaluar për të marrë të njëjtin pozicion tek Udinese, dhe ai do të zëvendësohet nga ish-drejtori i Roma dhe Inter.
“Sabatini, një nga komandantët e mëdhenj të futbollit italian dhe ndërkombëtar, me eksperiencë profesionale të nivelit më të lartë, do të jetë drejtori i ri teknik duke filluar nga 1 korriku,” shkruhet në një deklaratë nëpërmjet faqes zyrtare.
Sabadini së fundmi ka qenë koordinator teknik mes Inter dhe Jiangsu Suning, por ai u largua nga Roma në marsin e kaluar.