Ish-kapiteni i Anglisë dhe Manchester United, do të përfundojë procedurat në Uashington ditët në vijim. Ai ka vizituar qytetin së bashku me bashkëshorten e tij, Coleen, pasi u kthyen nga pushimet verore në Barbados. Ku ishin së bashku me fëmijët e tyre, katër djemtë, Kai, Klay, Kit dhe Cass. Sulmuesi do të marrë me vete familjen e tij në Amerikë, pasi të firmosë marrëveshjen në hapje të merkatos së verës në MLS deri më 10 korrik.
Rooney u kthye te Everton pas një eksperience fantastike me Mancheseter United, pasi fitoi pesë tituj në Premier League dhe trofe të tjera që solli në “Old Trafford” si kapiten. 32-vjeçari ka zhvilluar në total 393 ndeshje me fanellën e “Djajve të kuq”, ku ka shënuar plot 183 gola. Verën e vitit të kaluar ai u bë pjesë e Everton, klubit ku është rritur dhe në 31 ndeshje të zhvilluara ka realizuar 10 gola.
