Shqiptarët do të kenë një arsye më shumë për tu mbërthyer pas ekranit të televizionit. Super ndeshja ndërmjet Brazilit dhe Zvicrës do të zhvillohet sonte në orën 20:00. Pesë herë kampionët e botës janë favoritë për këtë ndeshje, por Nati nuk dorëzohet dhe kërkon të fillojë me fitore këtë Botëror
Brazili ka fituar më së shumti Kupën e Botës dhe është e vetmja Kombëtare që ka marrë pjesë në çdo Kampionat Botëror.
Faqja zyrtare e FIFA-s bën me dije se Zvicra do të hedhë në fushën e blertë që në nisje të sfidës katër futbollistët shqiptarë, Xherdan Shaqiri, Granit Xhaka, Valon Behrami dhe Blerim Xhemaili.
Ndeshja e parë sot do të jetë ndërmjet Kosta Rikës dhe Serbisë në orën 14:00, gjithashtu në kuadër të Grupit E, ndërsa Gjermania përballet me Meksikën në orën 17:00.
Formacionet e mundshme
Brazili: Alisson; Danilo, Thiago Silva, Miranda, Marcelo; Casemiro, Paulinho, Philippe Coutinho; Ëillian, Gabriel Jesus, Neymar.
Zvicra: Sommer; Lichtsteiner, Schaer, Akanji, Rodriguez; Behrami, Xhaka; Shaqiri, Xhemaili, Zuber; Seferoviq.