Masimiliano Alegri ka nisur të mendojë skemat për Juventusin e së ardhmes dhe e sigurt është që Kristiano Ronaldo do të luajë në majën e sulmit. Por pjesa tjetër e skuadrës është për t’u rindërtuar. Ai duhet të zgjedhë të luajë me skemën 4-3-3, ose 4-2-3-1.
Në rastin e parë ai që do të sakrifikohet është Dibala, që do të luajë jashtë rolit të tij, por edhe në të majtë do të jetë një mes Duglas Kostës dhe Manxukiçit. Por nëse skema do të jetë 4-2-3-1, atëherë do të sakrifikohet një lojtar në mesfushë mes Matuidisë, Pjaniçit dhe Emre Xhanit. Por edhe lojtarë të tjerë si Khedira dhe Kuadrado duhet të “luftojnë” fort për një vend titullari sezonin e ardhshëm.
