Luka Modriç ka folur para finales së madhe të Botërorit, ku skuadra e tij, Kroacia do të përballet me Francën. Mesfushori është shprehur entuziast për shokun e tij të skuadrës Mario Mandzukiç. Për sulmuesin e Juventusit ai deklaroi:
“Ai është shumë i rëndësishëm për ne, për shkak të karakterit dhe dëshirës së tij për të luftuar. I motivon të gjithë shokët e skuadrës. Ne jemi shumë të lumtur që goli i shënuar nga ai na solli në finale. Shpresojmë se e njëjta gjë do të ndodhë sonte edhe në finale”, është shprehur “ylli” i ekipit të Real Madrid.
Kujtojmë që ndeshja finale mes Francës dhe Kroacisë do të luhet sot, në orën 17:00.
