Bayern Munich është i gatshëm ta shesë Arturo Vidal. Sipas gazetës gjermane “Bild”, me nënshkrimin e Leon Goretzka, klubi gjerman konsideron se kileni nuk ka më vend në skuadrën që drejtohet nga Kovaç.
Po kjo gazetë thotë se disa klube europiane do të jenë të interesuara për të ardhmen e tij. Napoli, Chelsea, Manchester United dhe madje Atletico Madrid janë shumë të vëmendshëm ndaj asaj që po ndodh. Nuk është hera e parë që Vidal është i lidhur me ekipin “rojiblanco”, i cili do ta shihte atë si zëvendësim për Gabi.
31-vjeçari ka një kontratë deri në vitin 2019 me Bayern Munich, por ekipi gjerman mund ta shesë atë tani, për të marrë një shumë të mirë parash. Sezonin e kaluar, një lëndim në gju e mbajti atë jashtë fushës, që nga prilli, kur duhej të kalonte nëpër sallën e operacionit.
