Ish-mbrojtësi i njohur italian Claudio Gentile ka dhënë sugjerimet e tij për yllin brazilian Neymar se si duhet të sillet në fushën e lojës.
I pyetur se si do ta markonte sulmuesin e PSG-së, ish-juventini nuk ka dhënë përgjigje konkrete po i bën apel brazilianit të tregohet më i matur.
“Çfarë do të bëja nëse duhet të markoja Neymarin? Nuk e di por do ta bindja të tregohej një person serioz. Në kohën time, ata që pësonin faulla nuk i ekzagjeronin pasojat.
Ditën tjetër kam parë se si njëri e goditi kundërshtarin në shpatull, por ra me kokë”, deklaron për “Football Italia” 65-vjeçari që “masakroi” Maradonën në Kupën e Botës të 1982.
