Tjetër humbje për Dritën këtë herë me shifrat 2-0 ndaj suedezëve të Malmos në transfertë, me skuadrën gjilanase që eliminohet nga Champions League, por jo nga Europa sepse kampionia e Kosovës do të marrë pjesë në turin e dytë të Europa League aty ku me shumë gjasa do të ketë përballë luksemburgasit e Dudelange me Dritën që ka shanse për ta kaluar këtë tur.
Në turin e parë të Championsit kundërshtari që kishte përballë Drita ishte i një niveli shumë të lartë pasi Malmo është një skuadër që synon fazën e grupeve të këtij kompeticioni. Skuadra e Bekim Isufit u eliminua me rezultat të përgjithshëm 5-0, teksa pas humbjes në ndeshjen e parë me shifrat 0-3 në Mitrovicë u mposht edhe në takimin e kthimit në Suedi me rezultatin 2-0. Golat për Malmon u realizuan nga Strandberg dhe Larsson në pjesën e dytë. Në këtë sfidë bëri debutimin me Dritën ish portieri i Tiranës, Edvan Bakaj.
