Kraocia do të luajë në gjysmëfinale kundër ‘Tre luanëve’. Ndeshja që do të luhet ditën e nesërme në orën 20:00, mes Kroacisë dhe Anglisë, pritet të jetë vërtetë emocionuese. Trajneri i Kroacisë Zlatko Daliç, në një konferencë për shtyp është shprehur se ai dhe futbollistët duan t’i shkojnë deri në fund këtij rrugëtimi duke prekur finalen e madhe.
Fakti që arritëm në Moskë nuk duhet të jetë aspak surprizë sepse kjo ka qenë ëndrra jonë dhe morëm atë që meritonim. Do të ishte mëkat që pas një muaji në Rusi, të mos shkonim në finalen e madhe. Tani që jemi këtu duam t’i shkojmë deri në fund.
Zlatko Daliç, trajner i Kroacisë
