Tashmë nis sprinti final: Gonzalo Higuain te Milani, por edhe shkëmbimi Bonuçi-Kaldara, mund të kryhet gjithçka sot. Administratori i deleguar i Juventusit, Bepe Marota, se bashku me drejtorin sportiv Paratiçi, janë paraqitur tashmë në selinë e Milanit dhe kanë nisur bisedimet finale.
Higuain do të kalojë te Milani në huazim për 18 milionë euro, si dhe mund të blihet përfundimisht nga kuqezinjtë për 36 milionë.
Bonuçi e Kaldara pritet të shkëmbehen kokë më kokë, një biznes i shkëlqyer për të dy klubet në aspektin e bilancit, sepse regjistrojnë shifra të rëndësishme.
Në aspektin sportiv nuk dihet kush fiton, sepse Kaldara është lojtar i ri dhe me të ardhme të shkëlqyer dhe Milani del i lumtur, por edhe Juve merr një futbollist klasi dhe me shumë eksperiencë, pavarësisht se tifozët janë kundër rikthimit.
