Cristiano Ronaldo u transferua te Juventus për 100 milionë euro, por nuk ka të ngjarë të jetë manovra e vetme e madhe e bardhezinjve në merkaton e verës. “Zonja e Vjetër” është e interesuar për Marcelo dhe Darmian, ndërsa ka marrë Joao Cancelo për pozicionin e mbrojtësit të djathtë.
Ky është një sinjal që braziliani Alex Sandro mund të largohet dhe Paris Saint-Germain është në “pole position” për të marrë shërbimet e tij.
Sipas “Tuttomercatoweb.com”, Alex Sandro do të bashkohet me Gigi Buffon te kampionët e Francës. Shifra e transferimit? 50 milionë euro.
Kjo është shuma që i duhet Juves për të synuar blerjen e Marcelo, ose atë të Matteo Darmian si alternativë.