Një episod i shëmtuar për Ciro Immobile, i cili është me pushime në Chieti me familjen dhe disa miq. Sipas shtypit italian, futbollisti i Lazio-s është sulmuar nga një burrë me thikë.
Pas një debati me disa miq të Immobile, agresori ka provuar t’i afrohet sulmuesit napolitan, por është ndalur nga disa të pranishëm aty, të cilët kanë ndërhyrë për të shmangur më të keqen.
Agresoi është larguar më pas, para se në vendngjarje të shkonin forcat e policisë, që kanë marrë dëshmitë e të pranishmëve për atë që kishte ndodhur.
Ciro Immobile, bashkë me Mauro Icardi të Inter, ka qenë golashënuesi më i mirë i Serisë A më 29 gola.