Distria Krasniqi është mposhtur në finale nga xhudistja japoneze, Funa Tonaki.
Xhudistja kosovare është mjaftuar me medaljen e argjendtë në Grand Prix 2019 që po mbahet në Budapest të Hungarisë.
Në luftën për medaljen e artë në kategorinë deri në 48 kilogramë, Krasniqi pavarësisht paraqitjes së mirë është mposhtur me ‘Pikë të artë’ nga japonezja, Funa Tonaki.
Kujtojmë se Tonaki është xhudistja më e mirë në botë në këtë kategori, por pavarësisht kësaj ajo vuajti shumë për fitore.
Në rrugën drejt finales, Distria ka mposhtur rusen Giliazova, kinezen Li dhe në gjysmëfinale spanjollen, Figueroa.