Real Madridi ka përfunduar këtë të shtunë javën e parë të trajnimit, nën komandën e Julen Lopetegui. Trajneri i ri duket shumë i kënaqur me punën e disa lojtarëve, që ai ende i ka në dispozicion, madje ka qenë përgjegjës për ta demonstruar këtë me një mesazh në rrjetet sociale.
“Punë shumë e mirë nga i gjithë ekipi këtë javë, për të ngarkuar bateritë për nesër. Të hënën, të gjithë së bashku përsëri. Ecim përpara si ekip”, – shkroi Lopetegui në llogarinë e tij në Twitter.
Një mesazh, në të cilin ka rëndësi jo vetëm ajo që ka shkruar, por më shumë fotografia që e shoqëron, në të cilën mund të shihni Lopetegui në një gjest të dashur me Karim Benzema; dora e trajnerit mbi supin e lojtarit, një dorë e mbështetjes për “9” e tij.
Një imazh që sqaron dyshimet për të ardhmen e sulmuesit francez, i cili në javët e fundit është i lidhur me një transferim të mundshëm te Napoli. Për momentin, Karim ka mbështetjen e trajnerit Lopetegui dhe ky i fundit është përpjekur për ta dëshmuar publikisht këtë gjë përmes statusit dhe fotos së hedhur në Twitter.
Muy buen trabajo de todo el equipo esta semana. A cargar pilas mañana. El lunes, de nuevo todos juntos a tope. Vamos equipo! pic.twitter.com/jq05CmVoc4
— Julen Lopetegui (@julenlopetegui) July 21, 2018