Flamurtari synon medoemos të sjellë lojtarë të rëndësishëm në Vlorë. Synimeve të Osmanit, Muzakës dhe Micit i është shtuar dhe Edon Hasani. Pas dështimeve të tratativave me Tiranën, vlonjatët kanë kontaktuar menjëherë me ish-futbollistin e Vllaznisë.
Por nga ana e tij nuk ka ardhur një përgjigje konkrete. Ndërkohë që bisedimet me 26-vjeçarin vazhdojnë, priten të mbërrijnë në Vlrë grupi i shumëkërkuar i Skënderbeut.
Drejtuesit kuqezi janë të bindur se kampionët e Shqipërisë do të pranojnë të shesin pjesën e rëndësishme të tyre. Pritet nënshkrimi me ish-kapitenin e Partizanit Idriz Batha, të cilit iu pezullua marrëveshja me ekipin e Larisas.
