Ka qenë dita e ndryshimeve të mëdha te Milan, ashtu si pritej. Gjithsesi, bie në sy mënyra si u veprua. Klubi kuqezi vendosi të ndërpresë bashkëpunimin me Marco Fassone, i akuzuar për tradhti, bashkë me presidentin Li Yonghong, ashtu si administratorët kinezë.
Ky ka qenë vullneti i fondit “Elliott” që u zbatua në ditën e Asamblesë së Aksionarëve.
Arseja e shkarkimit të administratorit të deleguar Fassone ishte: “Kompromentim i raportit financiar për mënyrën si ka adiministruar fondet dhe metodikën e zhvillimit të merkatos në Europë dhe Azi. Vetëm në ditët e fundit kemi zbuluar gabimet e bëra prej tij dhe “Rossoneri Sport Investment Lux” vendosi ta largojë për të mirën e klubit, si domosdoshmëri.”
Frazë e cila nënkupton tradhtinë dhe lë të hapur hapësirën për një seancë gjyqësore.
