Real Madridi dhe Barcelona kanë humbur këtë periudhë liderët respektivë ylli Cristiano Ronaldo dhe mesfushorin veteran katalanas Andres Iniesta. Nëse kampionët e Spanjës e kanë thuajse të kompletuar ekipin e ri, largimi i Ronaldos pas 9 vitesh nga Madridi ka krijuar një boshllëk që ende nuk po plotësohet duke e lënë skuadrën në një situatë kaotike.
Por tekniku i Barcelonës Ernesto Valverde ka ndjerë nostalgji për shkëputjen e dy legjendave të klubeve më të fuqishme të Spanjës. Sipas tij të dyja episodet kanë të njëjtën peshë për ekipet dhe futbollin spanjoll:
“Nuk e di se deri në çfarë pike do ta dobësojë kjo Madridin, por ai (Ronaldo) i ka dhënë shumë klubit dhe duhet t’i njihni çdo gjë që ai ka arritur me atë skuadër. Ikja e Cristiano Ronaldos nga Madridi është po aq i rëndësishëm si situata me Andres Iniestan. Jule Lopetegui duhet të mësohet me mungesën e Ronaldos dhe bën mirë ta reduktojë atë”, deklarom ish-trajneri i Athletic Bilbaos.
Ronaldo firmosi gjatë Botërorit me Juventusin kurse Iniesta zgjodhi Azinë e Largët duke firmosur me ekipin japonez Vissel Kobe.
